Jawani k din the
roti kapda aur makaan se koso dur tak pochne ki umeede the
gadi, bangla, bank balance sab kuch chaiye tha
bas unhi dino ki baat hai ye..
Ek sapna dekha tha…ek bada aalishaan ghar mujhe banana tha
Manzil ka rasta khafi lamba tha…par hosla bhi kuch kam naa tha !
Kahi se toh shuruwat karni thi
Socha…ek kamare ka makaan hi kyun nai?
Makaan kharid toh lia par
Ghar wali baat thi nai !
Ghar jo banaye…who thi gharwali
Mere ek kamare k makaan ko…apne sapno se sajane wali.
Zindagi thi aasaan…santusht hona chaiye tha
Naukari, ghar aur biwi…ka hi toh zamana tha.
Raat thi…par neend nai
Paisa tha..par chain nai
haaye yeh jawani k din…kuch kar gusarne ka junoon tha
Aalishaan ghar ka joh sapna dekha tha…ab usse pura karna tha.
Zindagi badti rahi..kabhi thami nai
Gharwali aai…bacche bhi lai wahi.
Par sapna pura karna tha
aalishaan ghar ka rasta dudna tha.
Ek kamare se hue do kamare.
ek mein hum aur dusre mein bacche.
bhaade par hi sahi..ek kamare se toh bada tha
aalishaan ghar…ab toh jaise pass mein hi tha.
waqt badla…hum badle
zindagi toh chalti rahi…par zamane badalte rahe !
Mahangai bad chad kar bol rahi thi
bhaade ka ghar kharidne mein dikat ho rahi thi.
chota hi sahi…ek kamare ka ghar apna tha
aalishaan ghar ab bas sapno ka hi tha !
bacche bade hue…nikal padhe apne sapno k piche
reh gaye hum…apne budhaape toh sametate.
Gharwali k baal…safedi ki cham-chamahat thi
Buland chaal humari…ab ek lathi ki mohtaaj thi.
Aalishaan ghar ka sapna abhi bhi aakhen dekti thi
kaash..pura kar pate..chaah abhi bhi hoti thi.
zindagi badti rahi…apni gati se chalti rahi
gharwali toh chal basi…bas ab baari humari rahi.
Ek kamare ka makaan aajkal bada yaad aata hai
aspataal ka ward bhi yahi yaad dilata hai.
jiwan ka pahiya hai…ghum kar vahi aa jata hai
aalishaan makaan ki daur mein
ek kamare ka makaan hi bas reh jata hai !